Табиғат, табиғат құбылыстарына байланысты жұмбақтар

Тұнжарап қабағы,

Аспанды жабады.

Кей кезде қарасаң,

Көрінбей қалады. .  (Бұлт)

Көзге ілінбейді,

Жұтсаң білінбейді .  (ауа)

Қыр астында, сайда,

Жатыр үлкен айна.  .  (көл)

Өзі бірде су болады,

Бірде қар болады,

Бірде бу болады

Бұл не?                  .  (бұлт)

Қанаты жоқ, елесі жоқ,

Жүрек түгел денесі жоқ.  (жел)

Қаһарман келіп басады,

Соңынан жылап қашады. .  (қар)

Алдым да әр түрінен жібек жіптің,

Аспанға әшекейлеп кесте тіктім. (кемпірқосақ)

Көзіңе көрінбейді,

Қолыңа ілінбейді.

Бірақта құлағыңа

Ұдайы күбірлейді. (жел)

Айдаһар аузын ашса, арс етеді.

Гауһары жерге түссе, жарқ етеді. ( найзағай)

Бір тілім болып туады,

Күннен күнге толады,

Дөп-дөңгелек болады.  (ай)