Мылтығыңның күмісін айтпа, тиісін айт.

Аң таппаған атынан көреді,

Ата алмаған мылтығынан көреді

Тауындағы түлкіні

 Бабындағы бүркіт ғана алады.

 Қыран жүйрік пе,

 Қиял жүйрік пе?

Қолмен бергенге құс тоймас.

 Ителгінің баласы ілмейқалмас.

 Қаршыға қазан қайнатар

 Ителгі иығыңды талдырар.

 Қаршыға қаз алса,

 Ителгі етек қабады.

 Қыран қияда өледі.

 Қыран қияда түлейді.

 Ит иесі үшін алады.

 Бүркіт жемі үшін алады.

 Ажалды қарға бүркітпен ойнайды.

 Ат бегі —аттың тұяғына қарар

 Құс бегі — құстың қияғына қарар

 Қиядағыны қыран ғана көреді.

 Ұядағыны жылан ғана көреді.

 Құс бағу да бір қызық,

 Құс салу да бір қызық.

 Екі сұңқар таласса,

 Бір қарғаға жемтүсер.

 Құстың бәрі сұңқар болмас,

 Аттың бәрі тұлпар болмас.

 Сұңқар орманға тартар,

 Тұлпар қорғанға тартар

Қыран құс қисық ұшып, түзу ілер.

Аңды ерінбеген атады,

Я көрінбеген атады.

Қаңтар қақпанды сүйер,

Сонаршы ақпанды сүйер.

Саятшының сұңқары

 Салған жерден іледі.

Әр таудың түлкісін, әдісін білген тазы алады.

Ай жарықта қоян арық.

Қара құс басып жейді,

Сұңқар құс шашып жейді.

Жолаушының кешіккеніне сүйінбе,

Аңшының кешіккеніне сүйін.

Мылтығыңның күмісін айтпа, тиісін айт.

Аң таппаған атынан көреді,

Ата алмаған мылтығынан көреді.

Тағыны жеткен алады.

Бөдененің үйі жоқ,

Қайда барса бытпылдақ.

Қасқырдың өзі қатты, жолы жұмсақ,

Қоянның жолы қатты, өзі жұмсақ.

Алпыс қарсақ ат болмас.

Қоянның қарамын көр де, қалжасынан түңіл.

Құстың қуы сауысқан.

Жарқанатқа жарықтан қараңғы артық.

Құмай тазы қуғанын алады.

Ит ұяласынан қорықпайды.

Саятшылық сабырлыға жарасар.

Топтанып ұшқан торғайға

 Тұрымтай да бата алмас.

Қаршыға салғанның, қанжығасы тоқ,

 Ителгі салғанның етегі боқ.

 Қиядағы қызыл түлкіні

 Қияннан соққан бүркіт алады.

 Құсбегісі келіссе,

 Күйкентай құс қаз алар.